Yaşamıram özüm üçün,

Öləziyən közüm üçün.

Hey gəzirəm dözüm üçün.

Bu mənim taleyimdir. 

Bənövşələr üzə çıxdı,

Al lalələr dizə çıxdı.

Dərdin sayı yüzə çıxdı,

Bu mənim taleyimdir.

Davamı...

Pəncərəmi naxış döydü,

Qəlbimi lal baxış döydü.

Başımızı yağış döydü,

Bu sevdadan ayılmadıq . 

Qəm var məhəbbət içində,

Kin yatar nifrət içində.

Gülüm,səadət içində,

Xoşbəxtlikdən bayılmadıq.

Davamı...

Qəlb qapısın möhkəm bağla,

Sirr-sözünü gizli saxla.

Ağlayanda tənha ağla,

Boğ içində qəhərini. 

Düşmənlərdir solum-sağım,

Qara rəngə dönüb ağım.

Bar veribdir kədər bağım,

Necə yığım bəhərini. 

Həyat dediyin bumudur,

Ömür axan bir sumudur.

Dərd-qəmi necə unudum,

Öyrət mənə təhərini.

Davamı...

Alıbdır tənhalıq qoynuna məni,

Salıbdır fələyin oynuna məni.

Yandırır qəlbimi həsrət,hardasan?

Əl çəkmir yaxamdan xiffət,hardasan? 

Ah-naləm əridər qayanı,daşı

Gölü dəniz edər gözümün yaşı.

Yansam sənin olsun külüm,hardasan?

Solub-saralıbdır gülüm,hardasan? 

Dərdindən ürəyim düşübdür xəstə,

Qayıt,qoy can verim qolların üstdə.

Əlinlə qaz mənə məzar, hardasan?

Sənziz çətin keçir güzar,hardasan?

Davamı...

Kim verib fələyin həsrət behini,

Dərd nuru qurutdu çiçək şehini.

Əsdir başım üstdə vüsal mehini,

Dağılsın çiskinim,dumanım qayıt. 

Bəyaz dən şəvə tək telinə düşüb,

Ürəyim hicranın selinə düşüb.

Bir vaxtsız sevdanın fe`linə düşüb,

Məndən saf duyğular umanım,qayıt.

Davamı...

Günəş ömrə nur çilədi,

Ziyasını gur çilədi.

Qəlb yanğıma “Şur” çilədin,

Tanrım,sənə minnətdaram. 

Kim deyir qəlb aram oldu,

Məhəbbət dərd yaram oldu.

Yaşam mənə haram oldu,

Tanrım,sənə minnətdaram. 

Həyatı sərt verdiyinçün,

Vəsli namərd verdiyinçün.

Bir belə dərd verdiyinçün,

Tanrım,sənə minnətdaram.

Davamı...

Bir belə əzabçun, bir belə qəmçün,

Mən sənə borcluyam,borcluyam, ALLAH.

Qoy dua eyləyim taleyi kəmçün,

Yanında günahkar,suçluyam,ALLAH. 

Sən mənim qəlbimə parlaq nur verdin,

Könlün qəm siminə “Segah”,”Şur”,verdin.

Şeriyyət çayını daha gur verdin,

İndi mən hamıdan güclüyəm,ALLAH.

Davamı...

Yox yerdən möhtəşəm qala qurmusan,

Zalımların bəd işini burmusan.

Hamımızın keşiyində durmusan,

Yenə də pislərlə doludur sağ-söl,

Ya İlahi,özün mənə kömək ol, 

Zülmət dünyamıza işıq saçarsan,

Şeytandan daima uzaq qaçarsan.

Bağlı qapıları üzümə açarsan,

Dərgahına uzanıbdır iki qol,

Ya İlahi, özün mənə kömək ol.           

Davamı...

Mənə dərd bəxş etdi bu məhəbbətim,

Tükənib taqətim,dözüm-qüvvətim.

Belə yaşamağa çatmır qüdrətim,

Göz yaşlarım sanki Kür,Nil İlahi.

Bu sevgini qəlbimdən sil,İlahi . 

Sağalmayır xəstəliyim ,azarım,

Qəm çölünə düşüb mənim güzarım.

Diri ikən qazılıbdır məzarım,

Ağı deyər dodaqla dil,İlahi.

Bu sevgini qəlbimdən sil,İlahi. 

Qəm çəkməyin əzabı çox,xeyri yox,

Bu vüsalın deyən mənə meyli yox.

Kim söyləyir indi Əsli,Leyli yox,

Onlar ilə məni tən bil, İlahi.

Bu sevgini qəlbimdən sil,İlahi.

Davamı...

 Lal könlümdə həsrətinin yeri var,

Bu sevgini məndən alma ilahi.

Yağmasın üstünə nə yağış,nə qar,

Bu sevgini məndən alma,İlahi. 

Ürəyimdə bir sirr kimi saxlanar,

Qızılgül tək ətirlidir,qoxlanar.

Qorxuram ki nəzər dəyər,oxlanar,

Bu sevgini məndən alma ,İlahi.

Davamı...